Հայերի ցեղասպանության մասին պատմող ֆիլմը ներկայումս գտնվում է քննարկումների փուլում եւ պատրաստ կլինի 2015 թվականին, գրում է Nouvelles d`Arménie-ն:
Ազգային կինոկենտրոնը ներկայումս բանակցություններ է վարում աշխարհահռչակ Սթիվեն Սփիլբերգի («Շինդլերի ցուցակը» 1993 թ) եւ սցենարիստ Սթիվեն Զեյլյանի հետ («Հաննիբալ» 2001թ):
Ցեղասպանության 100-ամյակին մենք պետք է ամբողջ աշխարհին ֆիլմ ցուցադրենք, որն ավելի ուժեղ կլինի, քան «Մայրիկը», կամ «Արարատը», որտեղ կհավաքվեն հայ եւ արտասահմանցի դերասաններ»,- ասել է «Հայֆիլմ»-ի տնօրեն Գեւորգ Գեւորգյանը:
Հիշեցնենք, որ նման ֆիլմի նախապատրաստության մասին դեռեւս մեկ տարի առաջ հայտարարել էր Մշակույթի եւ երիտասարդության հարցերով նախկին նախարար, ներկայումս «Հայֆիլմի» տնօրեն եւ Ազգային Կինոկենտրոնի ղեկավար Գեւորգ Գեւորգյանը: